Чыр чыккан аймакка тажик тарап кошумча күчтөрүн топтоп жатат,-Чек ара кызматы

Кыргыз Республикасынын Улуттук коопсуздук мамлекеттик комитетинин Чек ара кызматынын маалымат жана коммуникация башкармалыгы 2022-жылдын 12-апрели саат 23.15ке карата мамлекеттик чек аранын кыргыз-тажик тилкесинде кырдаал салыштырмалуу чыңалуу деп мүнөздөлгөндүгүн маалымдайт, деп билдирди.

Маалыматка караганда, кыргыз айылдарын миномёттон аткылоону токтотуп саат 22.50дөн 23.16га чейин Баткен облусунун Баткен районунун Радар-1 жерлигинде тажик тарап КР УКМКнын Чек ара кызматынын аскер кызматкерлерин маал-маалы менен аткылап турушту. 

Мындан тышкары, чыр-чатак орун алган жерге тажик тарап кошумча күчтөрүн жана каражаттарын топтоп жатканы байкалган. 

Күч структуралыры менен мамлекеттик органдардын өз ара аракеттенүүсүн жеринде координациялоону Кыргыз Республикасынын Коопсуздук Кеңешинин катчысы катчысы генерал-лейтенант Марат Иманкулов ишке ашырып жатат. 

КР УКМКнын Чек ара кызматы кырдаалды турукташтыруу үчүн баардык чараларды көрүүдө.