Акыркы суткада бир адамдан коронавирус аныкталды

9— апрелге карата COVID-19 илдетинин Бишкекте 1 жаңы учуру катталды. Өткөн суткада 5 бейтап оорудан сакайып, каза болгондор катталган жок. 

Ушуну менен өлкөдө пандемия башталган эки жылдан бери 200 миң 970 жаран коронавирус жуктурду. Алардын 196 миң 293ү сакайып, 2991 киши көз жумду. 

Бир күндө жалпы 1 893 ПЧР изилдөө жүргүзүлгөн. Учурда стационарда 83, үйдөн 14 бейтап дарыланып жатат.