Акыркы суткада коронавирустун 11 жаңы учуру аныкталды

Кыргызстанда 26 — мартка карата COVID-19 илдетинин 11 жаңы учуру аныкталды. Оорудан өткөн суткада бир адам каза болуп, 11 бейтап сакайып чыкты.  

Вирус жутургандар Бишкекте — 7, Чүй облусунда — 4 киши. Калган аймактарда инфекция катталган жок.

Ушуну менен өлкөдө пандемия башталган 2020-жылдын март айынан бери 200 миң 868 адам вирус жуктурду. Эки жыл ичинде 196 миң 154 бейтап оорудан сакайып, 2 миң 984 киши каза болду.

Учурда стационарда 85 бейтап, үйдөн 61 киши дарыланып жатат.