• Башкы бет
  • Президент коопсуздук маселелери боюнча жумушчу кеңешме өткөрдү
13:44, -ж., 16-март

Президент коопсуздук маселелери боюнча жумушчу кеңешме өткөрдү

Президент коопсуздук маселелери боюнча жумушчу кеңешме өткөрдү

Кыргыз Республикасынын Президенти Садыр Жапаров 14-мартта, өлкөнүн коопсуздугун камсыздоо маселелери боюнча жумушчу кеңешме өткөрдү. Бул тууралуу президенттин аппаратынын малымат бөлүмү жазды.

Ведомство берген маалыматка ылайык, анда дүйнөдө түзүлгөн кырдаалдан келип чыккан маселелер, мүмкүн болгон социалдык-экономикалык таасирдин сценарийлери, ошондой эле өлкөнүн аймагындагы эпидемиологиялык кырдаалды мындан ары турукташтыруу маселелери каралды.

Тиешелүү мамлекеттик органдардын жетекчилеринин баяндамалары угулду.

Талкуу жыйынтыгы боюнча Президент Садыр Жапаров бир катар конкреттүү тапшырмаларды берди. Кандай тапшырмалар берилгени президенттин администрациясы маалымдаган жок.

Ошондой эле кеңешмеге катышкандардын тизмеси келтирилген жок. Жарыяланган сүрөткө ылайык, жолугушууга министрлер кабинетинин башчысы Акылбек Жапаров, Коопсуздук кеңешинин катчысы Марат Иманкулов, ИИМдин жетекчиси Улан Ниязов, саламаттыкты сактоо министри Алымкадыр Бейшеналиев, ӨКМдин башчысы Бообек Ажикеев, ТИМдин башчысы Руслан Казакбаев, коргоо министрлигинин өкүлү (формасын карап айта турган болсок) жана башка чиновниктер катышкан (аларды сүрөттөн көрүп таануу мүмкүн эмес).

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...