"Мегакомдун" мурдагы башчысы 2 айга камакка алынды

“Мегакомдун” мурдагы жетекчиси Акылбек Жамангулов №21 тергөө изоляторуна эки айга камалды. Мындай токтомду 14-мартта Бишкектин Биринчи май райондук соту чыгарды.

Маалыматка ылайык, ал Түштүк Кореянын эки жаранынын ортосундагы каржылык маселеге байланыштуу шек саналып жатканы айтылууда.

Жамангуловго ким арыз жазганы жана иштин-чоо жайы тууралуу азырынча кенен маалымат бериле элек. Ал 12-мартта Башкы прокуратурага суракка чакырылып, ошол эле күнү кармалган.

Жогорку Кеңештин мурдагы депутаты Акылбек Жамангулов “Мегакомду” 2018-жылдан 2021-жылга чейин башкарган.