Ош шаарын жашылдандыруу, көрктөндүрүү жана санитардык тазалоо боюнча үч айлык жарыяланды

Ош шаарынын аймагында кечээ, 1-марттан баштап 31-майга чейин жашылдандыруу, көрктөндүрүү жана санитардык тазалоо боюнча үч айлык жарыяланды. Анын алкагында ар жуманын ишемби күндөрү ишембилик өткөрүлүп, айлана-чөйрөнү тазалоо, калаа аймагын иретке келтирүү, бак-дарактарды сырдоо, арыктарды тазалоо иштери жүргүзүлөт.

"2022-жыл Тоолордун экосистеманын коргоо жана климаттык коргоо жылына" ылайык үч айлыктын алкагында көчөттөрдү отургузуу, аларга кам көрүү, Ошту жашыл шаарга айлантуу багытында да иштер аткарылат.