• Башкы бет
  • Ош шаарында Эл аралык эне тили күнү белгиленди
13:41, -ж., 1-март

Ош шаарында Эл аралык эне тили күнү белгиленди

Ош шаарында Эл аралык эне тили күнү белгиленди

Кечээ, 28-февраль Эл аралык эне тил күнүнүн алкагында ОшМУда фольклордук-маданий этнофестиваль болуп өттү. Ага Ош шаарынын вице-мэри Венера Рыскулова, ОшМУнун ректору Кудайберди Кожобеков, Кыргызстан элдер ассамблеясынын Ош шаарындагы филиалынын төрагасы Балтагул Нурумбетов, ар улуттун өкүлдөрү, шаардагы ЖОЖдордун профессордук-окутуучулар жамааты жана студенттер катышты.

Иш-чаранын жүрүшүндө катышуучулар бий программасы жана интеллектуалдык номерлерин тартуулашып, жергиликтүү жана чет элдик студенттер элдик чыгармачылыкты даңазалашты. Жыйынтыгында активдүү катышуучуларга Ош шаарынын мэриясынын атынан дипломдор жана баалуу белектер тапшырылды.

1999-жылдын 17-ноябрында ЮНЕСКОнун Башкы конференциясы тарабынан жарыяланган Эл аралык эне тил күнү 2000-жылдан бери тилдик жана маданий көп түрдүүлүктү жана көп тилдүүлүктү өнүктүрүү максатында жыл сайын белгиленип келет.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...