"Манас" театрына "улуттук" статусу ыйгарылды

Кыргыз Республикасынын Президенти Садыр Жапаров кол койгон Жарлыкка ылайык, Кыргыз мамлекеттик “Манас” театрына “улуттук” статусу ыйгарылды.

Жарлык кыргыз элинин материалдык эмес маданий баалуулуктарын алып жүрүүчүлөрдүн, оозеки айтуучулардын иштөө системасын өркүндөтүү максатында кабыл алынды.

Мындан ары аталган мамлекеттик мекеме “Кыргыз улуттук “Манас” театры” деп аталат.