Ош мэриясынын муниципалдык башкармалыгынын башчысы кызматтан кетти

Ош шаарынын мэриясынын муниципалдык менчик башкармалыгынын башчысы Ашимжан Семетеев жана анын орун басары Канышай Имарова кызматтарынан убактылуу четтетилди.

Ош шаарынын прокуратурасы тарабынан 03-141-2022-0000001 сандуу кылмыш иши боюнча жүргүзүлүп жаткан тергөө амалдары аяктаганга чейин Эмгек кодексинин 76-беренесинин 1-пунктуна, "Мамлекеттик жарандык кызмат жана муниципалдык кызмат жөнүндө" Мыйзамынын 27-беренесинин 1-пунктуна ылайык убактылуу кызматтан четтетүү тууралуу бүгүн мэрдин буйругу чыкты.

Жетекчинин кызматтык милдеттерин убактылуу аткаруу башкармалыктын жерлерди ижарага берүү бөлүмүнүн башчысы Эмиль Туленбаевге жүктөлдү.