• Башкы бет
  • Кытай-Кыргызстан-Өзбекстан темир жолунун Кыргызстандагы чеги аныкталды
13:35, -ж., 15-февраль

Кытай-Кыргызстан-Өзбекстан темир жолунун Кыргызстандагы чеги аныкталды

Иллюстрациялык сүрөт

Иллюстрациялык сүрөт

Кытай - Кыргызстан - Өзбекстан темир жолун Нарын облусунун аймагынан Макмал аркылуу Жалал-Абад облусунан Өзбекстанга чейин куруу сунушталууда. Бул тууралуу Министрлер кабинетинин төрагасы Акылбек Жапаров маалымат жыйынында билдирди. Анын айтымында, дал ушул маршрут ыңгайлуу деп каралып жатат. Өкмөттүн башчысы мындан сырткары Орусия менен бирге Каракече - Кочкор - Балыкчы жолунун курулушун баштоо пландалып жатканын билдирди,деп жазат "Азаттык"

"Бул темир жолдун курулушун баштоого экономика өзү түрткү болот. Бул долбоордун акыркы маршруту аныкталган соң эл алдына чыгарабыз", - деди Жапаров.

Кытай - Кыргызстан - Өзбекстан темир жолун куруу демилгеси 2000-жылдардын башында эле көтөрүлсө да ишке аша элек. Жакындагы Садыр Жапаровдун Кытайдын төрагасы Си Цзинпин менен жолугушуусунда темир жолдун курулушу жөнүндө сөз болгон эле.

Буга чейин Кытай - Кыргызстан - Өзбекстан темир жолунун төрт багыты боюнча варианттар бар экени айтылып келген.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...