• Башкы бет
  • Бишкек мэриясында коррупциялык схема аныкталды
14:10, -ж., 9-февраль

Бишкек мэриясында коррупциялык схема аныкталды

Бишкек мэриясында коррупциялык схема аныкталды

КР УКМК тарабынан Кыргыз Республикасынын Кылмыш-жаза кодексинин 245-беренесинин 1-бөлүмү (Коммерциялык же башка уюмдардын кызматчыларынын ыйгарым укуктарын кыянаттык менен пайдалануусу) боюнча Кылмыштардын бирдиктүү реестрине катталган сотко чейинки өндүрүштүн алкагында, Бишкек шаарынын мэриясы менен биргеликте Бишкек шаарынын мэриясынын түзүмдүк бөлүмдөрүндө акча каражатын уурдоо боюнча коррупциялык схема аныкталды. Мындай маалыматты УКМКнын басма сөз кызматы таратты. 

Белгилүү болгондой, “Бишкек жашыл чарба” МИнин башкы бухгалтери “А.Э.О.” жана бухгалтер “А.А.” белгиленген нормадан ашыкча эмгек акыны мыйзамсыз чегерүү максатында бухгалтердик документтерди (коштоочу каттарды, эмгек акынын ведомостторун ж.б.) системалуу түрдө жасалмалап, анын негизинде мамлекеттик бюджетке 800 миң сом өлчөмүндө зыян келтирилгени тастыкталды.

Бул факты боюнча КР УКМК кылмыш ишин козгоп, тергөөнүн жүрүшүндө жогорудагы мыйзамсыз аракеттер документтештирилип, кылмышка тиешеси бар жаран “А.Э.О.” күнөөсүн толугу менен мойнуна алды.    Ошондой эле, жүргүзүлгөн тергөө иш-чараларынын алкагында келтирилген зыян күнөөлүү адамдар тарабынан толугу менен толтурулган.

Азыркы убакта сот органдарына өткөрүп берүү үчүн тергөө иштери аяктап жатат.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...