• Башкы бет
  • Президент Садыр Жапаров Бишкектеги эки базарды кыдырды
14:44, -ж., 8-февраль

Президент Садыр Жапаров Бишкектеги эки базарды кыдырды

Президент Садыр Жапаров Бишкектеги эки базарды кыдырды

Президент Садыр Жапаров Бишкектеги Ош базарын кыдырып жүрөт. Журналист Жоодар Бузумовдун Фейсбуктагы баракчасындагы түз эфирде Жапаров көзөмөл кассалык аппараттар (ККМ) жана базардын абалы боюнча барганы айтылууда. Соодагерлер президентке базардагы орун, санитардык күн сыяктуу маселелер менен кайрылып жатышат. Жапаровдун жанында Бишкек мэри Айбек Жунушалиев да жүрөт, деп жазат "Азаттык"

Президент Садыр Жапаров 18-январда жаңы Салык кодексине кол койгон. Бул документте көмүскө экономиканы ачыкка чыгаруу максатында ишкердик субъектилеринде жапырт көзөмөл кассалык аппараттарды киргизүү жобосу камтылганы айтылган. Өкмөт муну бюджетке түшкөн салык, бажы төлөмдөрүн көбөйтүү максаты менен негиздеген.

Буга чейин "Дордой", "Дордой Моторс" жана "Таатан" өңдүү ири базарлардагы соодагерлер кассалык аппараттарды киргизүүгө каршы нааразылык акциясына чыгышкан. Ар кандай маалыматтар боюнча Бишкектеги ири базарларда эки миңдей адам жайма базарда соодагерлик кылат.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...