• Башкы бет
  • Коопсуз аймакка көчүрүлгөн тургундар кайта баштады
12:27, -ж., 29-январь

Коопсуз аймакка көчүрүлгөн тургундар кайта баштады

Коопсуз аймакка көчүрүлгөн тургундар кайта баштады

Кыргыз-тажик чек арасындагы чырдан улам коопсуз жакка кетүүгө аргасыз болгон тургундар үйлөрүнө кайта баштады.

Баткендеги президенттин өкүлчүлүгүнөн маалымдашкандай, 29-январга оогон түн чек ара аймактарында тынч өттү. Өкүлчүлүктүн басма сөз кызматы кырдаал туруктуу экенин “Азаттыктын” кабарчысына билдирди.

Баткенде чек арадагы кырдаалдан улам 11 миңден ашуун тургун эвакуацияланган. Өзгөчө кырдаалдар министрлиги алардын 10 миң 410у коопсуз аймактагы үйлөргө көчүрүлсө, 642 адам убактылуу түзүлгөн пункттарга жайгаштырылганын билдирген.

27-январда Баткенде, кыргыз-тажик чек арасындагы Төрт-Көчө аймагында тажик тургундар жолду бууганга аракет кылып, сүйлөшүүлөрдөн кийин абал жайгарылган. Бир аздан соң тажик тараптан башка аймакта – Чыр-Дөбөдө ок атылганын Кыргызстандын Чек ара кызматы билдирүүдө.

Кыргызстан муну тажик чек арачыларынын атайын жасалган чагымы деп атаган, тажик тарап Кыргызстанды айыптаган.

Кыргызстандын Саламаттык сактоо министрлиги кыргыз-тажик чек арасындагы атышууда жалпысынан 12 кыргызстандык жаран жабыркаганын тактады. Мекеме тараткан маалыматта алардын абалы орточо оор экени, баары облустук ооруканага жаткырылганы айтылат.

Тажикстандын "Ховар" маалымат агенттиги жаңжалда эки тажик жараны мерт болуп, дагы 10 адам жараат алганын, анын алтоо аскер, төртөө жайкын тургун экенин жазган.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...