Баткендин жаранынын малдарын Өзбекстан кайтарып берди

Баткен районунда 2021-жылы жоголгон малдар кечээ, 23-январда ээсине кайтарылды. Бул тууралуу бүгүн, 24-январда Баткен ОИИБдин басма сөз кызматы кабарлады.

Маалыматка караганда, райондун Кара-Токой айылынын 47 жаштагы тургунунун 3 баш бодо малы 2021-жылдын октябрь айында Өзбекстандын Фергана облсунунун Сох району менен чектешкен жерде жоголуп кеткен. Баткен РИИБдин жетекчиси Алмазбек Шагамурзаев Сох РИИБдин башчысы менен сүйлөшүп, эки тараптын милиция кызматкерлери кызматташып, 23-январь күнү жоголгон 3 баш бодо мал 2 торпогу (уйлар Өзбекстанда тууган) менен Өзбекстандан кайтарылып алынды. Кайтарылып алынган малдар өз ээсине тапшырылды.