Кыргызстанда Эл каттоо иштери боюнча даярдыктар башталды

Учурда 2022-жылдын 25-мартынан 3-апрелге чейинки аралыкта Эл жана турак жай фондун каттоого карата даярдык жүрүп жатат.

Улуттук статистика комитетинин маалыматы боюнча, 1999-жылы жана 2009-жылдары кагаз суроолор жыйнагын пайдалануу менен жүргүзүлгөн каттоолордон башкы айырмасы — маалыматтарды топтоонун электрондук форматтагы ыкмаларын колдонуу менен биринчи жолу өткөрүлөт.

Мындай ыкманын башкы артыкчылыктарынын бири — алынган маалыматтардын сапатын жогорулатуу, аларды иштеп чыгууга кеткен убакытты кыскартуу жана эң башкысы, каталарды ыкчам табуу жана четтетүү болуп саналат.

Убактылуу каттоочу кызматчыларга төмөнкү талаптар коюлат:

- Кыргыз Республикасынын жараны;

- 18 жаштан жогору;

- Буга чейинки эл каттоолорго же ар кандай тандоочу изилдөөлөргө катышкан (мүмкүн болсо);

- «Android 5» же андан жогорку версиясындагы операциялык тутум аркылуу башкаруучу уюлдук аппараттын бар болушу (каттоочулар үчүн).

Ведомствонун басма сөз кызматы милиция кызматкерлери эл каттоочулардын коопсуздугун камсыздай турганын билдирди.