Болот Абдыжапаров Ат-Башы районунун акиминин биринчи орун басары болуп дайындалды

Ат-Башы районунун акиминин биринчи орун басарлыгына Болот Абдыжапаров дайындалды. Бул тууралуу аймактык кабарчыга акимчиликтен билдиришти.

Абдыжапаров Болот Шаршеналиевич 1984-жылы Ат-Башы районунда туулган. Кесиби боюнча кыргыз тили жана кыргыз адабияты мугалими. Үй-бүлөлүү, 4 баланын атасы. Бир канча жыл массалык маалымат каражаттарында эмгектенип келген.

Билими:

2001-2006-жылдары Ж.Баласагын атындагы Кыргыз улуттук университетинен билим алган.

Эмгек жолу:

2007-2009-жылдары НТРКдагы «Кыргызстан» редакциясынын кабарчысы;

2009-2010-жылдары КТРК, ЭлТРде редактор;

2010-2014-жылдары КТРК, ЭлТРде продюсер;

2018-2018-жылдары «Бишкекжашылхоз» муниципалдык ишканасынын басма сөз катчысы;

2018-2019-жылдары «Бешинчи канал» ЖАКтын кабарчысы;

2019-жылдан ушул убакка чейин «Арча Про» КФнын директору.