Кудайберди Кожобеков кайра Ош МУну бакшармай болду

Кудайберди Кожобеков Ош мамлекеттик университетинин ректору кызматында калды. 

Билим берүү жана илим министрлигинин маалыматы боюнча, Министрлер кабинети 22-декабрда ОшМУнун ректорун кызматтан бошотуу тууралуу 10-ноябрдагы чечимди жокко чыгарган.

9-ноябрда Министрлер кабинетинин төрагасы Акылбек Жапаров үгүт иш-чарасына студенттер катышкандыгы үчүн ОшМУнун ректору Кудайберди Кожобеков кызматынан бошотулганын айткан.
Бирок билим берүү жана илим министри Болотбек Купешев 10-ноябрда ОшМУнун ректору кызматынан бошотулбаганын, ал кызматынан убактылуу четтетилгенин билдирген.