"Тазалык" ишканасынын кызматкерин унаа менен уруп кеткен айдоочу мамлекеттик кызматкер,-ЖМК

"Тазалык» ишканасынын кызматкерин сүзүп кеткен унаанын айдоочусу Тышкы иштер министрлигинде иштейт, деп жазат ЖМКлар 

Алдын ала маалымат караганда, 1976-жылы туулган К.Н. 2019-жылы ТИМдин бир департаментинин биринчи катчысы кызматын ээлечү.

Бүгүн, 18-декабрга караган түнү саат 01:00 чамасында «Honda CR-V» унаасы А.Масалиев көчөсү менен бара жаткан. Бирок А.Малдыбаев көчөсүнө жетпей көчө шыпырып жаткан «Тазалык» ишканасынын кызматкерин сүзүп кеткен.

Анын кесепетинен 1960-жылы туулган Ш.Т. окуя болгон жерде көз жумган.

Ал эми «Хонда» унаасынын айдоочусу — 1976-жылы К.Н. мас абалда экендиги аныкталган.

Аталган факт Кылмыш-жаза кодексинин 312-беренеси (Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу) менен катталды.

К.Н. убактылуу кармоочу жайга киргизилди. Тергөө уланууда.