Бишкек шаарында имарат өрттөндү

Бүгүн, 17-декабрга караган түнү саат 02:14 чамасында Биринчи май районунун Васильев көчөсүндө жайгашкан автобазанын аймагындагы курулуш фирманын кампасынын 50 чарчы метр ички жасалгасы күйдү.

ӨКМдин басма сөз кызматы билдиргендей, өрттү өчүрүүгө бир бөлүм тартылып, саат 02:43тө өрт чектөөгө алынып, саат 05:17де толук өчүрүлдү.

Өрттүн кесепетинен 45-50 жаш чамасындагы К.Н. аттуу эркек киши каза болду жана анын сөөгү ИИМдин кызматкерлерине өткөрүлүп берилди.

Өрттүн келип чыгуу себеби такталууда.