Талантаалы Бакчиев жаңы кызматка дайындалды

Талантаалы Бакчиев «Манас» жана Чыңгыз Айтматов улуттук академиясы» мамлекеттик мекемесинин директору болуп дайындалды. Бул тууралуу Министрлер кабинетинин басма сөз кызматы билдирди.

Министрлер кабинетинин төрагасынын орун басары Эдил Байсалов мекеменин жамаатына жаңы дайындалган жетекчини тааныштырды.

Талантаалы Бакчиев — манасчы, «Манас» эпосун изилдөөчү, филология илимдеринин доктору.

Эдил Байсалов Талантаалы Бакчиевге ишинин ийгиликтүү жана жемиштүү болушун каалады.