Ош облусунун башчысынын орун басары Өзгөндөгү базардын айланасын тазалоону тапшырды

Бүгүн, 9-декабрда президенттин Ош облусундагы ыйгарым укуктуу өкүлүнүн орун басары Данияр Жаникулов Өзгөн шаарына жумушчу сапары менен келди. Бул тууралуу аймактык кабарчы билдирди.

Данияр Жаникулов шаардагы рейддин жүрүшүндө «Өзгөн» базарынан, жанындагы Манас көчөсүнүн жээгиндеги коомдук транспорттор, таксилер токтобошу керектигин айтты.

«Маршруткалардын баарын унаа токтоочу жайларга жылдыргыла. Тротуардагы соода-сатыктарды тазалагыла. Мындай болбошу керек. Иреттүү, таза болуп турса, баары көрктүү, көркөм болот. Мыйзам сакталышы керек», - деди Жаникулов.