• Башкы бет
  • Беларус Украинаны чек арадан өтүп кетти деп айыптады
10:48, 2021-ж., 6-декабрь

Беларус Украинаны чек арадан өтүп кетти деп айыптады

Беларус Украинаны чек арадан өтүп кетти деп айыптады

Беларустун Коргоо министрлиги украин аскерлери бул өлкөнүн аба мейкиндигиндеги мамлекеттик чек араны бузду деген негизде 5-декабрда Украина элчилигинин аскер атташесине нааразылык нота тапшырды.

Расмий Минсктин билдиришинче, Украинанын Ми-8 тик учагы Новая Рудня кыштагынын аймагында чек арадан өтүп кеткен жана белорус аймагына бир чакырым аралыкка чейин кирип барган. Коргоо министрлиги “Украина Беларусту айыптап жаткан шартта чек арада аскердик машыгуу өткөрүүсү өлкөнүн түштүгүндө коркунуч жаратуунун белгиси катары кабылданышы мүмкүн” деп белгиледи.

Украинанын Чек ара кызматы чек ара тилкесинен өтпөгөнүн, ал жакта ноябрь айынан бери Жакынкы Чыгыштан барып азыр Беларуста топтолуп турган мыйзамсыз мигранттардын өтүп кетүүсүн алдын алуу максатында машыгуу өткөрүп жатканын билдирди.

Эки өлкө ортосундагы бул талаш Киев менен Минск ортосунда мамиле салкындап турган учурга туш келди. Украина Александр Лукашенкону “нааразылык акцияларын күчтөп басууда” деп айыптаса, расмий Минск украин бийлигин “Орусия менен чыр баштагысы келип жатат” деп күнөөлөөдө.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

live comments feed...