13:51, 2021-ж., 30-ноябрь
Өзгөн районунда жол кырсыгынан каза болгондордун аты-жөнү такталды
Ош облусунун Өзгөн районунун Чечебай айылындагы жол-транспорт кырсыгынан каза болгон жана жабыркаган адамдардын өздүгүн аныкталды. Бул тууралуу Ош облусу боюнча жол кыймылынын коопсуздугун камсыздоо бөлүмүнөн билдиришти.
Түзүмдүн маалыматы боюнча, кечээ, 29-ноябрда саат 16:50 чамасында Чечебай айылында Өзгөн районунун тургуну — 1954-жылы туулган М.Ж. «Дэу Тико» үлгүсүндөгү унаасын башкарып бара жатып, жолдун четиндеги арыкка түшүп кетип, кырсыкка кабылган. Анын кесепетинен айдоочу М.Ж. жана жүргүнчү катары бара жаткан Өзгөн районунун тургуну — 1956-жылы туулган Т.Т. окуя болгон жерде каза болгон. Ал эми калган жүргүнчүлөрү Өзгөн — 1953-жылы туулган Т.Ш. жана 1963-жылы туулган Т.М. жаракат алып, Өзгөн райондук ооруканасына кайрылышкан.
«Жол кырсык Өзгөн РИИБдин тергөө кызматы тарабынан Кылмыштардын жана жоруктардын бирдиктүү ресстрине катталып, учурда сотко чейинки өндүрүш иштери жүргүзүлүүдө», - деп айтылат маалыматта.
Буга чейин ӨКМ аталган жол кырсыктан 2 эркек киши каза болуп, дагы 2 адам жаракат алганын билдирген. Ал эми Чечебай айылынын тургундарынын айтымында, кырсыкка кабылгандар Мырза-Аке айыл өкмөтүнүнү Коммунист айылынан болушкан. Алар кудасыныкына куран окутууга барып, кайра кайтып келе жатканда кырсыкка учурашкан. Унаа кулаган сай жолдон 50-60 метр алыс жайгашкан. Унаа кантип сайга кулап кеткени белгисиз.
Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
Акыркы жаңылыктар
14:08
-ж., 29-февраль
14:04
-ж., 29-февраль
14:02
-ж., 29-февраль
14:01
-ж., 29-февраль
13:59
-ж., 29-февраль
13:55
-ж., 29-февраль
13:52
-ж., 29-февраль
13:49
-ж., 29-февраль
live comments feed...
Комментарийлер