Ош облусунун аймагындагы карышкырлар атылууда

Президентинин Ош облусундагы ыйгарым укуктуу өкүлү Зиядин Жамалдиновдун тапшырмасы менен Экология жана Климат мамлекеттик комитетинин Ош аймактык бөлүмүнүн аңчылары тарабынан Кара-Кулжа районундагы Алайкуу өрөөнүндө 5 карышкыр 1 чөө атылды. Ошондой эле Алай районунун тоолуу аймактарында 4 карышкыр атылган. Мындан сырткары, Кара-Суу районунда жолбун иттерди атуу иштери жүрүүдө.

Белгилей кетсек, буга чейин КР Президентинин Ош облусундагы ыйгарым укуктуу өкүлү Зиядин Жамалдиновдун Алайкуу өрөөнүнүн эли менен жолугушкан. Жыйында тургундар мал-жандыктарга карышкырлар кол салган учурлар көбөйүп жатканын айтып, бул көйгөйдү чечип берүү боюнча кайрылышкан.