БШК "Ынтымак" партиясынын талапкерине 7,5 миң сом айып пул салды

Борбордук шайлоо комиссиясы «Ынтымак» партиясынан талапкер Бакыт Тентишевге үгүт иштеринин эрежелерин бузгандыгы үчүн 7500 сом айып салды. Бул тууралуу комиссиянын 21-ноябрдагы жыйынында белгилүү болду.

Тентишев мектептин жанына баннер илип койгон. Буга шайлоо мыйзамы тарабынан тыюу салынган. Партия өкүлдөрү буга чейин баннерлердин баары алынганын маалымдашты.

Жумушчу топ Бакыт Тентишевге Бузуулар жөнүндө кодекстин 44-беренесине ылайык айып салуу чечимин кабыл алып, БШК мүчөлөрү жумушчу топтун чечимин колдоду.