Кыргыз-тажик чек арасында жер титирөө катталды

Кыргызстан менен Тажикстандын чек арасында бүгүн, 19-ноябрда саат 07:01де очогунда күчү 3,5 баллга жеткен жер титирөө катталды.

Жер титирөөнүн очогу Кыргызстандын аймагында: Ачык-Суу айылынан 6 км батышта, Жар-Башы айылынан 28 км түштүк-чыгышта, Кызыл-Кыя шаарынан 90 км түштүк-чыгышта.

Кыргыз Республикасынын калктуу конуштарында жер титирөөнүн күчү: Ачык-Суу айылында 3 баллга жакын, Кабык айылында 2,5 баллга жакын сезилген.