Бишкекте Октябрь прокуратурасынын кызматкери "опузалап акча талап кылуу" фактысы менен кармалды

УКМКнын басма сөз кызматы Бишкек шаарына караштуу Октябрь районунун прокурорунун орун басары Айдаров Алтынбек Эркинбекович кармалганын тастыктады.

УКМКнын маалыматына караганда, Айдаров милиция кызматкерлеринен аларды жазык жоопкерчилигине тартпоо үчүн 5 миң доллар опузалаган.

Айдаров кечээ, 17-ноябрда УКМК жана Башкы прокуратуранын кызматкерлери тарабынан кармалган. Тинтүү учурунда 5 миң доллардын 200 миң сомун алгандыгы тууралуу далилдер табылды.

Айдаров УКМКнын абагына камалды жана анын мындан башка кылмыштарга тиешеси бар-жогу текшерилип жатат.