Авазбек Досов Ош облусу боюнча ЖККК башчысы болуп дайындалды

Досов Авазбек Макамбаевич Ош облустук ички иштер башкармалыгынын жол кыймылынын коопсуздугун камсыздоо бөлүмүнүн башчысы болуп дайындалды. Ал жамаатка тааныштырылып жатканын аталган бөлүмдөн тастыкташты.

Авазбек Досов буга чейин Жалал-Абад облусу боюнча жол кыймылынын коопсуздугун камсыздоо бөлүмүнүн башчысы болуп эмгектенип келген. Ал ротация аркылуу Ош облусуна которулду.

Ал эми буга чейин Ош облусу боюнча жол кыймылынын коопсуздугун камсыздоо бөлүмүнүн башчысы болуп иштеген Айжигит Зикиров Жалал-Абад облусуна которулду.