Кара-Сууда тойдун кортежи жол эрежесин бузгандыгы үчүн айып пул салынды

Ош облусунун Кара-Суу районунун Кашкар-Кыштак айыл аймагында жол эрежесин бузган айдоочуларга айып пул салынды. Бул тууралуу Ош облусу боюнча жол кыймылынын коопсуздугун камсыздоо бөлүмүнөн билдиришти.

Түзүмдүн маалыматы боюнча, окуя 9-ноябрда Ош–Кара-Суу унаа жолунун 5-чакырымында болгон. Айдоочулар үйлөнүү той үчүн чыккан унааларды башкарып бара жатышат.

«2001-жылы туулган А.Э. "Тойота Камри" үлгүсүндөгү унаасы менен 2000-жылы туулган Э.С. "Мерседес-Бенц" үлгүсүндөгү унаасы менен карама-каршы багытка чыгып айдаганы үчүн 5500 сомдон айып пул салынды», - деп айтылат маалыматта.