Гүлчө айыл өкмөтү Кыргызстандын "Эң мыкты айыл өкмөтү" деп табылды

Ош облусунун Алай районуна караштуу Гүлчө айыл өкмөтү 2020-жылдын жыйынтыгы менен эң мыкты айыл өкмөт аталды. Айыл өкмөткө 1 миллион 500 миң сом сыйлык берилгенин Министрлер кабинетинин Оштогу өкүлчүлүгүнүн басма сөз кызматынан билдирди.

Маалыматка караганда, Алай районунун акими Каныбек Апбасовго президенттин алкыш баракчасы ыйгарылды.

Жеңүүчүлөр:

Биринчи топ

- 1-орун Алай районунун Гүлчө айыл өкмөтү, 1 млн 500 миң сом сыйлык;

- 2-орун Нарын облусунун Жумгал районунун Миң-Куш айыл өкмөтү, 1 млн сом сыйлык;

- 3-орун Баткен облусунун Баткен районуна караштуу Самаркандек айыл өкмөтү, 500 миң сом сыйлык.

Экинчи топ

- 1-орун Ысык-Көл облусунун Жети-Өгүз районуна караштуу Кызыл-Суу айыл өкмөтү, 1,5 млн сом сыйлык;

- 2-орун Жалал-Абад облусунун Тогуз-Торо районунун Атай айыл өкмөтү, 1 млн сом сыйлык;

- 3-орун Талас облусунун Бакай-Ата районунун Арал айыл өкмөтү, 500 миң сом сыйлык.

Сыйлыктар бүгүн,21-октябрда Бишкек шаарында тапшырылды.