14:10, 2021-ж., 20-октябрь
Чек ара кызматынын айрым жетекчилеринин коррупциялык иштери аныкталгандыгы айтылды
Чек ара кызматындагы айрым жетекчилердин коррупциялык иштери аныкталды. Бул тууралуу бүгүн, 20-октябрда УКМКнын басма сөз кызматы билдирди.
Тактап айтканда, Чек ара кызматынын айрым жетекчилери калкалаган «Достук-унаа жолу» көзөмөл-өткөрүү пунктундагы жогорку кызматтагы адамдар чек арадан өткөн өзбек жарандарынан жана жүк ташуучу унаалардын айдоочуларынан акча опузалап келишкен. Аталган факт Жазык кодексинин 325-беренесинин (пара алуу) 3-пунктунун 2-бөлүгү менен катталды.
Жыйынтыгында кечээ, 19-октябрда «Достук-унаа жолу» көзөмөл-өткөрүү пунктунун жетекчиси А.Э., Чек ара кызматынын Ош облусу боюнча башкармалыгынын башчысы Ч.Н., ошондой эле Чек ара кызматынын Башкы штабынын жетекчиси — Чек ара кызматынын башчысынын биринчи орун басары К.Б. кармалды. Алар УКМКнын Ош шаары жана Ош облусу боюнча башкармалыгынын убактылуу кармоочу жайына киргизилди.
Тергөө уланууда.
«Достук-унаа жолу» көзөмөл-өткөрүү пунктунун жетекчиси — Аскарбек Эрмекбаев.
Чек ара кызматынын Ош облусу боюнча башкармалыгынын башчысы — Чынарбек Насиев.
Чек ара кызматынын Башкы штабынын жетекчиси — Чек ара кызматынын башчысынын биринчи орун басары — Бекташов Курсанбек Урбаевич.
Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз
Акыркы жаңылыктар
14:08
-ж., 29-февраль
14:04
-ж., 29-февраль
14:02
-ж., 29-февраль
14:01
-ж., 29-февраль
13:59
-ж., 29-февраль
13:55
-ж., 29-февраль
13:52
-ж., 29-февраль
13:49
-ж., 29-февраль
live comments feed...
Комментарийлер