Ошто үрөн чарбалары боюнча жыйын болду

Үрөн чарбалардын ишмердүүлүгү боюнча Ош облустук штабдын жыйын өттү.

Ош облусунун аймагында азык-түлүк коопсуздугун камсыздоо максатында 2022-жылдын түшүмү үчүн кылкандуу дан эгиндеринин күзгү себүүсүн жүргүзүү, өз мөөнөтүндө чараларды көрүү жана үрөн чалбалардын ишмердүүлүгү, алардын аткарып жаткан жумуштарын талкуулаган жыйын болуп өттү.

Иш-чарага КР Президентинин Ош облусундагы ыйгарым укуктуу өкүлү Зиядин Жамалдинов, Ош облусунун аймагындагы үрөн чарба жетекчилери жана агрономдор катышты.

Штабдын жыйынында үч маселе каралды:

1.Үрөн чарбалардын ишмердүүлүгү

2. Райондордо 2022-жылдын түшүмү үчүн күзгү кылкандуу дан эгиндеринин күзгү себүүсүн өз убагында сапаттуу жүргүзүү

3. Сугат суу маселеси.