Бюджетти максатсыз пайдаланган жетекчилер кызмат ордунан кетиши керек,-депутат

Ош шаарында бюджетти максатсыз пайдаланган муниципалдык ишкананын жетекчилерин жумуш ордунан бошотуу керек. Мындай пикирин көпчүлүк коалициянын лидери Бекболот Арзыбаев кечээ, 28-сентябрда шаардык кеңештин кезектеги сессиясында билдирди.

• Арзыбаев Бекболот Өскөнбаевич Ош шаардык кеңешине «Ата-Журт Кыргызстан» саясий партиясынын депутат болгон.

Анын айтымында, айрым ишканалар бюджетти максатсыз пайдалангандыгы тууралуу тиешелүү далилдер бар. Ал Оштогу көрктөндүрүү жана жашылдандыруу ишканасынын жетекчисин жана Салык кызматынын аймактардагы башкармалыктарынын жетекчилерин мисал катары айтты.

Ош шаардык кеңешинин төрагасы Салман Нызылбеков бул маселе боюнча иш алып барылып, тиешелүү чаралар көрүлө турганын билдирди.

• Ош шаарынын 2021-жылдагы бюджети 1 млрд 357 млн сом болуп бекитилген.