Ошто 80 сотых жер 12 млн.сомго сатылган

Ош шаарындагы Амир-Тимур аймактык кеңешиндеги 30 сотых жер 7 миллион сомго сатылганы айтылууда. Бул тууралуу депутат Эсенбек Арзиев бүгүн, 28-сентябрда Ош шаардык кеңешинин сессиясында билдирди.

Ал эми вице-мэр Сонунбек Жунусбаевдин айтымында, аталган аймактык башкармалыктагы жер ушул жылдын май айында сатылган.

«Амир-Тимур аймактык башкармалыгындагы жер сатылганы чын. 30 сотых эмес, 80 сотых жер жеке ишкерге мектеп салуу үчүн сатылган. Ал 12 миллион сомго бааланган», - деди Жунусбаев.

Депутат Эсенбек Арзиев мындан сырткары ишкерлерден 20 батир алып, социалдык абалы начар адамдарга таратуу туура эмес деген пикирин билдирди.

Ал эми вице-мэр депутаттын пикири эске алынарын айтты.