Ош шаарында кытай жараны токко урунуп каза болду

Кечээ, 1-сентябрда Ош шаарынын Манас ата муниципалдык аймактык башкармалыгында кытай жараны каза болду. Бул тууралуу "Турмуш" басылмасы өздүк булактарына шилтеме берүү менен жазды.

Ош облустук соттук-медициналык экспертиза бюросунан бул маалыматты тастыктап, учурда кытай жаранынын сөөгү мейитканада экенин билдиришти.

Маалыматты Ош ШИИБдин басма сөз кызматы да ырастады.

«Арматура чыгаруучу ишканадан Кытай Эл Республикасынын 1963-жылы туулган жараны Л.Б.нын жансыз денеси табылганы боюнча билдирүү түшкөн. Учурда териштирүү иштери жүрүүдө», - деп айтылат маалыматта.

Маркум токко урунуп каза болгону айтылууда.