Жогорку Кеңештин шайлоосуна 15 партия катышуу үчүн арыз тапшырды

1-сентябрга карата Шайлоо жана референдум өткөрүү боюнча борбордук шайлоо комиссиясына 15 саясий партиядан Жогорку Кеңештин депутаттарын шайлоого катыша турганы тууралуу арыз келип түштү.

Шайлоо 2021-жылдын 28-ноябрында өтөт.

Арыз тапшырган партиялар:

- «Актив»,

- «Бийлик элге»,

- «Акыйкат Кыргызстан»,

- «Ар Намыс»,

- «Кыргызстан саясий күчтөрүнүн альянсы».

Буга чейин «Социал-демократтар», «Улуттар биримдиги», «Ишеним», «Альянс», «Кыргызстандын жашылдар партиясы», «Жаратман Эл», «Кыргызстан биримдиги патриоттук партиясы», «Ата Мекен» «Ыйман нуру», «Элдин үмүтү сациалдык-саясий партиясы» саясий партияларынан Жогорку Кеңештин депутаттарын шайлоого катышуу тууралуу жазуу жүзүндөгү билдирүү келип түшкөн.