• Башкы бет
  • Манасчы Дөөлөт Сыдыков Орусияда беш күн, беш түн "Манас" айтат
13:59, -ж., 30-август

Манасчы Дөөлөт Сыдыков Орусияда беш күн, беш түн "Манас" айтат

Манасчы Дөөлөт Сыдыков Орусияда беш күн, беш түн "Манас" айтат

Кыргызстандын эгемендүүлүгүнүн 30 жылдыгына карата манасчы Дөөлөт Сыдыков Москва шаарында беш күн, беш түн “Манас” айтат. Бул тууралуу “Азаттыкка” манасчынын жубайы, режиссёр Ырыс Окенова билдиргенин "Азаттык" жазды.

Анын айтымында, бул иш-чара Москвадагы кыргыз диаспорасы менен Кыргызстандын Орусиядагы элчилигинин колдоосу менен өтөт.

Манасчы Дөөлөт Сыдыков бул жолу да Гиннестин рекоррддор китебине катталууга аракет кылып жатат.

Ал буга чейин 2020-жылы 12-ноябрда өз өнөрүн Гиннестин рекорддор китебине каттатуу максатында Бишкектеги Ала-Тоо аянтында 14 саат 27 мүнөт тынбай "Манас" айткан. Бирок анын биринчи аракети рекорддор китебине расмий катталган эмес.

Манасчы Дөөлөт Сыдыков 1983-жылы 25-августта Ысык-Көлдүн Тоң районунун Шор-Булак айылында туулган.

Ал Калый Молдобасанов атындагы кыргыз улуттук консерваториянын салттуу музыка жана фольклор бөлүмүн аяктаган

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

Жарыялар
live comments feed...