Баткендеги базар өрттөндү

Баткен шаардык өрт өчүрүү кызматынан өрт чыккан жерде эки бригада иштеп жатканы анык болду. Азырынча тилсиз жоо чектөөгө алына элек.

Социалдык тармактарда Баткендеги борбордук базарга туташ көчөдөгү соода күркөлөрү өрттөнүп жатканы тууралуу тасмалар тарады.

Күбөлөрдүн маалыматына караганда, өрт 29-августта кечке жуук чыккан.

Өрттүн себеби жана андан жапа чеккендер тууралуу азырынча маалымат жок.