Эгемендүүлүк күнүнө карата Оштогу китепканада китеп көргөзмөсү өттү

Токтогул Сатылганов атындагы Ош облустук китепканада Эгемендүүлүктүн 30 жылдыгына карата китеп көргөзмөсү өттү. Бул тууралуу Президенттин Ош облусундагы ыйгарым укуктуу өкүлчүлүгүнүн басма сөз кызматы билдирди.

Маалыматка ылайык, иш-чарага Президенттин Ош облусундагы ыйгарым укуктуу өкүлүнүн орун басары Данияр Жаныкулов, окурмандар, “Ош кайрыктары” адабий клубунун мүчөлөрү, ИИМдин Республикалык окуу борборунун Ош шаардык филиалынын курсанттары катышты.

“Элибиздин эгемендик майрамы, желбиресин эркиндиктин байрагы” аталышындагы китеп көргөзмөсүнүн максаты- Кыргыз Республикасынын эгемендүүлүгүнүн 30 жылдыгын белгилөө Мамлекеттүүлүктү түптөө, эгемендүүлүкө жетүүгө кыргыз элине зор кызмат өтөгөн-К.Тыныстанов, И.Арабаев, Ж.Абдрахманов, Ч.Айматов сыяктуу улуу инсандардын эмгектерин сунуштоо.

Кырыз Республикасы эгемендүү өлкө катары каада-салты, маданияты жана рухий дөөлөтү менен бүткүл дүйнөгө таанылганын барктоо, даңазалоо болуп саналат.