Казакстанда аскердик бөлүктүн кампасында жарылуу болду

Казакстандын Тараз шаарындагы жарылуу аскердик бөлүктөгү кампалардын биринин жанындагы өрттөн улам болгонун республиканын коргоо министрлигинин басма сөз кызматы билдирди, деп жазат "Риа Новости" басылмасы.

Жамбыл облусунун администрациясынын басма сөз кызматынан билдиришкендей, 66 адам жабыркады.

"Жамбыл облусунун Байзак районунда жайгашкан аскер бөлүгүндө саат 19:00 чамасында  кампалардын биринин жанында өрт чыккан. Өрттүн кесепетинен белгисиз объекттер жарылган, "деп айтылат Коргоо министрлигинин билдирүүсүндө.

Министрликтин маалыматы боюнча, өрттү өчүрүүгө отряддын өрт өчүрүүчү унааларындагы бөлүмүнүн өрт өчүрүү командалары тартылган.

"Аларга Өзгөчө кырдаалдар министрлигинин Жамбыл облусундагы өрт өчүрүү командалары жардам көрсөтүүдө. Өрттүн очогун өчүрүү уланууда", - деп билдирет министрликтин басма сөз кызматы.

Жакынкы үйлөрдүн жашоочулары эвакуацияланууда.

Эмне болгонунун себептери такталууда. Окуя болгон жерге башкармалыктын башчысынын орун басары генерал -лейтенант Руслан Шпекбаевдин жетекчилиги астында Коргоо министрлигинин комиссиясы жөнөтүлдү.