Президент Коопсуздук кеңештин мүчөлөрүн бекитти

Президент Садыр Жапаров «Кыргыз Республикасынын Коопсуздук кеңешинин айрым маселелери жөнүндө» жарлыкка кол койду. Бул тууралуу президенттин басма сөз кызматы билдирди.

Конституциянын 70-беренесинин 1-бөлүгүнүн 8-пунктуна ылайык, мамлекет башчысы Коопсуздук кеңешин түзөт жана жетектейт.

Бул жарлык менен өлкөнүн Коопсуздук кеңешинин төмөнкү курамы түзүлдү:

- Кыргыз Республикасынын президенти — коопсуздук кеңешинин төрагасы;

- Коопсуздук кеңешинин төрагасынын орун басары (Таалатбек Масадыков);

- Коопсуздук кеңешинин катчысы (Марат Иманкулов);

- Коопсуздук кеңешинин мүчөлөрү.

Коопсуздук кеңешинин мүчөлөрү төмөнкүлөр:

- Жогорку Кеңештин төрагасы (Талант Мамытов);

- Министрлер кабинетинин төрагасы (Улукбек Марипов);

- Президенттин администрация башчысы (Сүйүнбек Касмамбетов);

- мамлекеттик катчы (Чолпонбек Абыкеев);

- башкы прокурор (Курманкул Зулушев);

- коргонуу чөйрөсүндөгү мамлекеттик органдын жетекчиси (Таалайбек Өмүралиев);

- тышкы иштер чөйрөсүндөгү мамлекеттик органдын жетекчиси (Руслан Казакбаев);

- өзгөчө кырдаалдар чөйрөсүндөгү мамлекеттик органдын жетекчиси (Бообек Ажыкеев);

- ички иштер чөйрөсүндөгү мамлекеттик органдын жетекчиси (Улан Ниязбеков);

- улуттук коопсуздукту камсыз кылуу чөйрөсүндөгү мамлекеттик органдын жетекчиси (Камчыбек Ташиев).