• Башкы бет
  • 7 жашар кызды сүзүп кеткен айдоочу кармалды
10:01, -ж., 25-август

7 жашар кызды сүзүп кеткен айдоочу кармалды

7 жашар кызды сүзүп кеткен айдоочу кармалды

21-августта Кара-Суу районунда 7 жашар кызды унаасы менен коюп, өзү качып кеткен айдоочу кармалды. Бул тууралуу Ош облусу боюнча жол кыймылынын коопсуздугун камсыздоо бөлүмүнүн басма сөз кызматы билдиргенин "Турмуш" басылмасы жазды.

Маалым болгондой, 21-август күнү «Кара-Суу» базарынын жанында Ош шаарынын 2014-жылы туулган тургуну М.С.ны белгисиз айдоочу белгисиз үлгүдөгү унаасы менен коюп, окуя болгон жерден белгисиз тарапка изин жашырып качып кеткен. Жабыркаган кыз Кара-Суу аймактык ооруканасына жеткирилген. Аталган окуя Кара-Суу РИИБдин кылмыштарды каттоо журналына катталып, сотко чейинки өндүрүшкө алынган. Жол боюна коюлган видеокамералар текшерилип, кызды күмүш түстөгү «Хонда Аккорд» үлгүсүндөгү унаа койгону аныкталган. Ыкчам иш-чаранын жүрүшүндө айдоочу Кара-Суу шаарынын 1958-жылы туулган тургуну И.М. экени такталып, Кара-Суу шаарындагы өзү жашаган үйүнөн табылган. Учурда тергөө амалдары жүрүүдө.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

Жарыялар
live comments feed...