• Башкы бет
  • Ош шаарына 6 айдын ичинде таштандыны кайра иштетүүчү завод курулат
20:52, -ж., 24-август

Ош шаарына 6 айдын ичинде таштандыны кайра иштетүүчү завод курулат

Ош шаарына 6 айдын ичинде таштандыны кайра иштетүүчү завод курулат

Ош шаарында таштандыларды кайра иштетүүчү завод куруу пландаштырылды. Бул тууралуу Ош шаардык мэриясынын басма сөз кызматы билдирди.

Маалыматка караганда бүгүн, 24 -августта Ош шаарынын мэринин милдетин аткаруучу Алмаз Мамбетов Түндүк Кипрдын экономика жана энергетика боюнча вице-премьер-министри Эрхан Арыклы жана "Biotrend Energy" компаниясынын президенти Илхан Доган баштаган түркиялык делегация менен жолукту. 

Жолугушуунун алкагында Ош шаарында инветицияларды тартуу, эки тараптуу кызматташуу туурасында сөз болду.

"Шаар башчысынын милдетин аткаруучу Алмаз Мамбетов учурда көйгөйлүү маселелерди приоритеттүү багыт катары алып, чечүү жолдоруна инвесторлорду жана адистерди тартып жатканын билдирди.Ал эми "Biotrend Energy" компаниясынын адистери Ош шаарында жайгашкан таштанды полигонуна барып жеринен көрүп келишти. Бир айдын ичинде завод куруу долбоорунун келишими даярдалып, бир айдан алты ай аралыгында толук иштөө мүмкүнчүлүгү жаралат деп билдиришти",-деп айтылат маалыматта.

Жолугушуу "Ош шаарындагы таштандыларды кайра иштетүүчү заводду долбоорлоо жана куруу" инвестициялык долбоорун ишке ашыруу боюнча меморандумга кол коюу менен жыйынтыкталды.

Документке Ош шаарынын мэринин милдетин аткаруучу Алмаз Мамбетов жана "Biotrend Energy" түрк компаниясынын президенти Илхан Доган кол коюшту.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

Жарыялар
live comments feed...