Миллионго жакын акча уурдаган жаран кармалды

Араван районунда ири өлчөмдөгү акча уурдаган 31 жаштагы жаран кармалды. Бул тууралуу Ош облустук ички иштер башкармалыгынын басма сөз кызматы билдирди

Маалыматка ылайык,  5-август күнү Араван районунун тургуну 31 жаштагы жаран М.С., арыз менен кайрылган анда: А.Анаров айыл аймагында жайгашкан өзүнүн үйүнөн 780 миң сом акчасын жана алтын буюмдарын белгисиз атуулдар уурдап кеткенин билдирген.

"Бул факты боюнча Кыргыз Республикасынын Жазык Кодексинин 200-берененин (Уурдоо) негизинде сотко чейинки өндүрушкө алынып, кылмыштардын жана жоруктардын бирдиктуу реестрине катталган.  Ыкчам иликтөө иш чаралардын жүрүшүндө 2021-жылдын 15-август күнү Өзгөн районунун тургуну 34 жаштагы А.Т., аттуу жаран кармалган. Ал 2021-жылдын 4-август күнү саат 11:00 чамасында Араван районунун А.Анаров айыл аймагында М.С.-ге таандык жогорудагы даректеги үйдүн ичине кирип 720 миң сом, 60 миң рубль, жана жалпы баасы 100 миң сомдук алтын буюмдарын уурдап кеткен",-деп айтылат маалыматта.

Натыйжада жабырлануучуга материалдык жактан 880 миң сомдук зыянга учураганы аныкталган. 

Жогоруда көрсөтүлгөн кылмышка шектүү А.Т., 2021-жылдын 17-август күнү шектенүү жөнүндө кабарлама берилип, ошол эле күнү бөгөт коюу чарасынын камакка алу түрү 1 айга камакка алуу түрү тандалып алынды. Тергөө амалдары уланууда.