Президент эки күндүк иш сапары менен Ысык-Көлгө барат

Президент Садыр Жапаров 19-21-августта Ысык-Көл облусунда иш сапары менен болот. Мындай маалымат президенттин сайтына жарыяланды.

Анда айтылгандай,  Садыр Жапаров 19-21-августта Ысык-Көл облусунда иш сапары менен болот. 

Мамлекет башчысы Чолпон-Ата шаарында Евразиялык өкмөттөр аралык кеңештин кезектеги отурумун өткөрүүгө байланыштуу эл аралык мүнөздөгү иш-чараларга катышат.

"Садыр Жапаров Евразиялык экономикалык биримдиктин (ЕАЭБ) катышуучу өлкөлөрүнүн өкмөт башчылары менен жолугушуп, Биримдик алкагында кызматташтык маселелери жана интеграция чараларын тереңдетүү боюнча пикир алмашат.Андан кийин Президент Садыр Жапаров Ысык-Көл облусу боюнча иш сапарын баштап, ал жакта Кыргыз Республикасынын эгемендүүлүгүнүн 30 жылдыгынын алкагында өткөрүлүп жаткан иш-чараларга катышып, ошондой эле өндүрүштүк жана өнөр жайлардын ишмердүүлүгү менен таанышат.",-деп айтылат маалыматта.

19-20-августта Ысык-Көл облусунун Чолпон-Ата шаарында Евразиялык өкмөттөр аралык кеңештин кезектеги отуруму өтөт.