Орусияда кыргызстандык жаран киши колдуу болгон

6-августта Москва облусунун Мытищы шаарында Кыргызстандын жараны (аял киши) киши колдуу болду. Бул тууралуу Кыргызстандын Россиядагы элчилиги билдиргенин "Акипресс" жазды.

Аталган факт боюнча Москва облусунун тергөө органдары тарабынан кылмыш иши козголуп, маркумдун апасы жабырлануучу деп табылды.

«Ыкчам тергөө иштеринин жыйынтыгында аталган кылмышка Украинанын 46 жаштагы жаранынын тиешеси бар экени аныкталды. Ал кармалып, Москва шаарындагы убактылуу кармоочу жайга камакка алынды.

Сурак учурунда шектүү күнөөсүн мойнуна алды. Бул окуя боюнча 11ден ашуун экспертиза дайындалды», - деп айтылат элчиликтин маалыматында.

Ошондой эле элчиликтин консулдук бөлүмү Россиянын Тергөө комитетине кайрылуу жолдоду. Маркумдун жакындарына консультациялык-укуктук жардам көрсөтүлдү. Учурда мабырлануучу тараптын укуктарын коргоо иштери жүргүзүлүп жатат.