Зиядин Жамалдинов Алайкуу өрөөнүндөгү селдин кесепеттерин жоюуну тапшырды

Зиядин Жамалдинов Алайкуу өрөөнүндөгү Күйө-Таш айылынын тургундары менен жолугушту. Бул тууарлуу Президенттин Ош облусундагы ыйгарым укуктуу өкүлчүлүгүнүн басма сөз кызматы кабарлады.

Маалыматка ылайык, Президенттин Ош облусундагы ыйгарым укуктуу өкүлү Зиядин Жамалдинов Кара-Кулжа районуна иш сапары менен барды. Анын алкагында Алайкуу өрөөнүндөгү айылдарды кыдырып, көйгөйлөр менен жеринде таанышып жатат. Ош облусунун башчысы 15-август күнү сел жүргөн Күйө-Таш айылынын тургундары менен жолугушуп, көйгөйлөрүн укту.

Буга чейин сел алып кеткен өтмөктү тез арадан ондоо жана тургундардын коопсуздугу үчүн тиешелүү чараларды көрүү тууралуу ӨКМнин облустук башкармалыгына жана жергиликтүү бийлик өкүлдөрүнө тапшырма берди.

Эгерде Күйө-Таш айылындагы суу өтмөктүн көлөмү чонойтулса, сел жүргөн учурда жаралуучу кооптуулук жоюлат.