Кара-Сууда 23 жаштагы жигит сууга чөгүп кетти

Кара-Суу районунун Правда айылында жайгашкан Кемпир-Абад суу сактагычына 1998-жылы туулган жигит чөгүп кетти. Бул тууралуу бүгүн, 17-августта ӨКМден кабарлашты.

Маалыматка ылайык, сууга Э.А. аттуу жигит чөгүп кеткен. Аны издөө иштерин жүргүзүү үчүн саат 16:00дө Өзгөн райондук №53 өрткө каршы куткаруу бөлүгүнөн 3 куткаруучу, саат 17:25те куткаруу отрядынан 5 куткаруучу тартылган. Издөө иштери кеч киргенине байланыштуу саат 20:30да убактылуу токтотулду.