• Башкы бет
  • Ошто 7 миң орундуу фабриканын курулушунун биринчи этабы аяктады
11:32, -ж., 14-август

Ошто 7 миң орундуу фабриканын курулушунун биринчи этабы аяктады

Ошто 7 миң орундуу фабриканын курулушунун биринчи этабы аяктады

Ошто тигүү фабрикасынын курулушунун биринчи этабы аяктоо алдында турат. Бул тууралуу Ош шаардык мэриясынын басма сөз кызматы билдирди.

Маалыматка ылайык, Ош шаарынын мэринин милдетин аткаруучу Алмаз Мамбетов "Кыргыз Текстиль ЛТД" ЖЧКсы тарабынан курулуп жаткан текстиль фабрикасынын курулушунун жүрүшү менен таанышты. Таанышуу учурунда А.Мамбетов жалпы аянты 23 миң чарчы метр болгон тигүү цехтери, поликлиника, ашкана, лаборатория жана административдик имараттардын курулушун көрүп чыкты.

 Ош шаарындагы текстиль фабрикасы 7 миңге жакын адамды жумуш менен камсыздайт. Бул долбоор 2018 -жылдын июль айында башталган, фабриканын курулушу үч этапка бөлүнгөн. Биринчи этап дээрлик аяктады. Учурда РКӨФу тарабынан каржылоо күтүлүүдө, анын жардамы менен тигүү, кесүү, полиграфиялык жабдуулар жана саймаларды түшүрүү боюнча жапон жана немис өндүрүшүнүн керектүү жабдуулары сатылып алынат. Техниканын биринчи партиясы сентябрдын аягына чейин келиши күтүлүүдө. Долбоордун биринчи этабынын башталышы сентябрдын аягына пландаштырылган. Долбоордун инвестициялык суммасы: 153 миллион доллар. Анын ичинде биринчи этапка 35 млн. доллар бөлүнгөн. Биринчи этаптын ичинде тигүү цехи ачылат. Келечекте жүн ийрүүчү цехти ачуу пландалууда, анда күн сайын пахтадан 700 тоннага жакын жип өндүрүлөт. 

Шаар мэринин милдетин аткаруучу Алмаз Мамбетов чет өлкөдөн ири кардарларды табууга жардам берүүнү сунуштады. Бизге бул да болсо жардам, негизинен кайрылуулар түшүп жатат. Мындан тышкары, бул жерге заманбап социалдык шаарча курулат. Долбоордо бала бакча жана мектеп, колледж жана университет, жатакана жана поликлиника куруу, ошондой эле суу жана электр энергиясы менен камсыз кылуу, канализация системасын куруу жана жолдорду асфальттоо каралган. Пландар боюнча фабрика жыл сайын 2 миллион даана кийим чыгарат, анын ичинде пландаштырылган суткалык трикотаж кездемелери 70-80 тоннага чейин.

"Бул жерде өндүрүлгөн продукциянын сапаты эл аралык стандарттарга жооп берерин белгилегим келет ”, - деди фабриканын башкы директорунун орун басары Нурсейит Муратов.

"Кыргыз Текстиль ЛТД" ЖЧКсы өлкө эгемендүүлүк алгандан бери Ош шаарында курулуп жаткан биринчи текстиль фабрикасы.

Эгерде сиз катаны байкасаңыз, керектүү текстти бөлүп белгилеңиз жана бул тууралуу редакцияга билдирүү үчүн Ctrl+Enter басыңыз

Комментарийлер

Жарыялар
live comments feed...