Ооруканага атылган ок боюнча Баткенде күч түзүмдөрүнүн чукул жыйыны болду

Бүгүн, 12-августта Баткен облусунун жетекчиси Абдикарим Алимбаев күч түзүмдөрү менен чукул жыйын өткөрүүдө. Мындай маалыматты "Турмуш" басылмасы жазды.

Маалым болгондой, анда кечээ, 11-августта Лейлек районунда орун алган ок атуу жана чек ара маселелери боюнча сүйлөшүүлөр жүрөт. Окуя болгон күнү облус башчысы атылган ок боюнча териштирүү жүргүзүлүшү керектигин айткан. Жыйында Катта-Туз аймагында Тажикстандын чек арачылары тарабынан казылган окоп боюнча талкуу жүрөт. Алдыда Абдикарим Алимбаевдин Тажикстандын Согди обулусунун жетекчилиги менен жолугушуусу күтүлүүдө.